Kryeprokurorja e përkohshme Arta Marku ka nisur fshesën.
Me një seri shkresash të firmosura, ajo ka shkarkuar të gjithë njerëzit e Adriatik Llallës në krye të prokurorisë dhe ka emëruar njerëz të rinj.
Kështu ka larguar Rovena Gashin, prokuroren që drejton zyrën e dekriminalizimit dhe e ka zëvendësuar me Arqile Koçën, ish-rivalin e saj për postin e Prokurorit të përkohshëm.
Ndërkaq, ka shkarkuar Prokurorin e Tiranës, Petrit Fusha, duke e zëvendësuar me Dritan Rreshkën, njeriun që amerikanët e kishin piketuar për në krye të SPAK, por që u mënjanua nga Llalla.
Kryeprokurorja ka larguar edhe shefin e Kabinetit, duke emëruar sot znj. Alketa Zyfla.
Po sot priten në tjera lëvizje në prokurorinë e Përgjithshme, sidomos në postet drejtuese.
/tesheshi.com/
