Kryeprokurori Adriatik Lalla, është zyrtari shqiptar i radhës që është “gozhduar” nga Zëri i Amerikës.
Në një intervistë të sikletshme nga Uashingtoni, Prokurori i Përgjithshëm ka pohuar se pjesëmarrja e tij në SHBA është pjesëmarrja në një konferencë të Shoqatës Amerikane të Gjyqyatëve dhe jo një vizitë zyrtare e organit që ai drejton në SHBA.
Gazetarja e Zërit të Amerikës e ka pyetur Lallën: “Dua t’u pyes për të qënë transparent deri në fund me publikun: pjesëmarrja juaj atje është si Adriatik Llalla person juridik privat, duke qënë prokuror, jurist; apo është si Adriatik Llalla si kryeprokuror i Shqipërisë që shkon në këtë konferencë dhe e lidhur me këtë pyetje është kush i përballon kostot financiare të pjesëmarrjes suaj, shteti apo ju vetë?
Përgjigja e Llallës ka qenë vërtetë e sikletshme: “Unë jam anëtar i kësaj shoqate dhe normalisht siç e përmendët dhe ju, krahas ardhjes personalisht paguhet edhe një tarifë përkatëse që shkon rreth 500 dollarë për të qënë i pranishëm në këtë aktivitet”.
Kryeprokurori ka pohuar më pas anulimin e vizës nga ambasada e SHBA për prokurorin e Durrësit, por tha se ai anulim është bërë për shkak se mendonte se prokurori nuk do të kthehej nga SHBA dhe jo për shkaqe të tjera. /tesheshi.com/
