Atë që Koço Kokëdhima e kërkon në Shqipëri, legalizimin e kanabisit, e ka kërkuar së fundi dhe Prokurori i Përgjithshëm i Antimafias italiane, Franko Roberti. Ndryshimi mes tyre është se ndërsa Kokëdhima e mbështet propozimin e tij tek kërkësat e tregut botëror farmaceutik për lëndën famëkeqe, Roberti e ka në të një tjetër linjë.
Duke folur në kongresin vjetor të gjyqtarëve italianë, ai tha se drogat e lehta, pikërisht ato që vijnë nga Shqipëria, kanë pushtuar vendin dhe kanë shkaktuar viktima, e që për këtë arsye, shteti të marrë monoplolin e tregëtimit të tyre pasi t’i legalizojë: “i kemi kërkuar qeverisë e parlamentit italian një zgjidhje të pashmangshme: ose të bashkojmë të gjitha forcat për të luftuar trafikun e drogave të lehta, ose t’i japim shtetit monopolin e prodhimit e shitjes së drogave të lehta, duke njohur mungesën e vlerës morale të përdoruesit të saj. Objektivi i shtetit të së drejtës është të luftojë fuqitë kriminale e jo të bashkëjetoje me ta”, tha Roberti. Sipas tij, legalizimi i drogave të lehta do të ishte një goditje e rëndë e klaneve kriminale.
“Shteti duhet të prodhojë e shes droga të lehta të cilësisë më të mirë e me çmime më konkuruese se ato të trafikuara nga klanet kriminale”, tha kryeprokurori antimafia i përtejdetit. /tesheshi.com/
