Kryeprokurorja e re Arta Marku, është përballur së fundi me një padi ndaj saj bërë nga prokurorja Rovena Gashi, e shkarkuar ditë më parë nga Prokuroria e Përgjithshme. Gashi pretendon se shkarkimi ka qenë antiligjor.
Por për koinçidencë, kryeprokurorja Marku ka shkarkuaë së fundi bashkëshortin e saj, Dritan Ginën, drejtuesin e Prokurorisë së Elbasanit. Pra janë burrë e grua që e pësojnë nga vala reformuese e organit të akuzës, ndërmarrë nga Marku në ditët e saj të para si kryeprokurore.
Edhe prokurori Guna ka reaguar, jo me padi por me deklaratë për shtyp, duke pretenduar se shkarkimi i tij është po ashtu i paligjshëm. Jo vetëm kaq. Ai ka thënë se nuk do i bindet urdhërit të eprores, duke shënuar kështu një precedent në rrallë në drejtësi.
“Në mënyrë arbitrare janë ndërprerë funksionet e mia si drejtues i Prokurorisë Elbasan. Kjo lëvizje antiligjore e nxitur dhe nga qarqe të caktuara politike. Ndërprerja e komandimit mund të bëhet vetëm nga KLP, i cili nuk është krijuar”, ka thënë në reagim prokurori Dritan Gina. Nuk mund ta braktisë detyrën në bazë të një urdhri të paligjshëm. Refuzoj të zbatoj këtë urdhër dhe do të vijojë të ushtrojë funksionet e mia”, tha Gina. /tesheshi.com/
