Dy ekzekutime të bujshme në vite, të mbetura të pazbardhura, janë komentuar nga kreu i Policisë së Shtetit, Gledis Nano.
Duke folur në Kuvend për situatën e kriminalitetit në vend dhe bilancin e punës së instancës që ai drejton, për vitin 2021, ai u pyet nga deputetët nëse është drejt zbardhjes ekzekutimi i deputetit socialist nga Fatmir Xhindi dhe ai i gjyqtarit Skerdilajd Konomi, njëra e ndodhur në Roskovec, në pragun e shtëpisë së të ndjerit, dhe tjetra në Bulevardin e Vlorës.
“Nuk dua të jap asnjë detaj me hetimin e këtyre ngjarjeve sepse është sekret hetimor, por dua të them se këto janë ende ngjarje nën hetim”, tha drejtor i Përgjithshëm i Policisë së Shtetit.
Kujtojmë se këto dy ngjarje të rënda kanë ndodhur në kohën e qeverisjes së Berishës.
Për rastin e deputetit socialist, ministr i Rendit i asaj kohe premtoi gjetjen shpejt të autorit (apo autorëve), por nuk pati asnjë rezultat. /tesheshi.com/
