Kryepeshkopi irlandez, Diarmuid Martin i kërkoi Papa Françeskut që të fliste hapur dhe sinqerisht për abuzimet seksuale në Kishën Katolike dhe strukturat brenda Kishës, të cilat janë fajësuar për vite me radhë.
“Nuk është e mjaftueshme vetëm të kërkojmë ndjesë. Strukturat që lejojnë ose lehtësojnë abuzimin duhet të shkatërrohen përgjithmonë”, tha kryepeshkopi në një predikim në Katedralen e Dublinit.
Duke iu referuar një numri të madh viktimash seksuale të klerit katolik, kryepeshkopi Martin tha se beson që Papa të ketë përulësinë e duhur dhe flasin hapur për të kaluarën, por edhe për të ardhmen e Kishës.
Deklaratat e tij u bënë në vigjilje të një vizite të kreut të Vatikanit Dublin, më 25 gusht, për një Takim Ndërkombëtar Familjar që mbahet çdo tre vjet, me qëllim të fuqizimit të familjeve katolike anembanë botës.
Të enjten, Selia e Shenjtë shprehu atë që e quajti “turp dhe trishtim” pas publikimit të raportit të prokurorëve në Pensilvani, ku thuhej se rreth 300 priftërinjtë kishin abuzuar seksualisht më të mitur përgjatë 70 viteve të fundit në shtetin amerikan.
Kisha Katolike ka kohë që i sugjeron publikut se ka dështuar të ndëshkojë pedofilët në radhët e veta dhe se ka fshehur qëllimisht abuzimin.
Papa Françesku premtoi “zero tolerancë” në luftën kundër abuzimit seksual të një kleri katolik, pas publikimit të skandaleve më të fundit në Kili, Australi dhe Shtetet e Bashkuara. /tesheshi.com/
