Kryetari i Kuvendit të Kosovës, Kadri Veseli deklaroi se sjellja e opozitës në Kuvend, është shkelje e rregullores së këtij institucioni.
“Ne kemi ligjet dhe Kushtetutën, po ashtu Kuvendi ka rregullore. Bllokada është kundër të gjitha rregulloreve dhe ligjeve në vend, po ashtu është një gjendje e pahijshme, shumica mund të bëjë edhe shumë ndryshime”, deklaroi Veseli, ndërsa Kuvendi në Kosovë po përjeton një gjendje ngërçi gjatë javëve të fundit për shkak se opozita nuk lejon mbajtjen e seancave të rregullta.
“Opozita me këtë bllokadë po bllokon nxjerrjen edhe të shumë ligjeve që janë shumë të rëndësishme për qytetarët dhe vendin”, ka thënë Veseli, në tryezën politike “Qasjet aktuale të pozitës dhe opozitës në Kuvendin e Republikës së Kosovës”. /tesheshi.com/
