Presidenti i Bundestagut gjerman, Norbert Lammert, i cili ndodhet për një vizitë zyrtare në Tiranë, deklaroi në një fjalim që mbajti në Kuvend se palët politike duhet të flasin me gjuhën e kompromisit.
“Kompromisi, si i vetmi kusht për funksionimin e demokracisë,” tha Lammert.
Ndërkaq, ai ka vlerësuar lart bashkëjetesën fetare në Shqipëri.
Miku gjerman do të vinte në dukje: “Për Shqipërinë vlen të thuhet se BE-ja nuk është në situatë të thjeshtë për momentin. Zhvillimi i BE-së varet nga aftësia për kompromis e vendeve anëtare. Interesi për zgjerim me shtete të tjera është i kufizuar. Kjo i rrit pretendimet për anëtarë të tjerë, dhe aktualisht shoh pak vende që i konsideroj si anëtarë të ardhshëm, por Shqipëria është një prej tyre.”
“Uroj që të ketë një proces të shpejtë reformash,” ka theksuar mes të tjerash Lammert. /tesheshi.com/
