Grupime opozitare siriane kanë kërcënuar se do ta ndëpresin armëpushimin, në qoftë se vazhdojnë sulmet e regjimit sirian dhe aleatëve të saj, njofton Reuters.
Përleshjet dhe sulmet ajrore kanë vazhduar në disa zona në Siri, edhe pse të premten pas mesnate ka hyrë në fuqi një armëpushim.
“Shkeljet e vazhdueshme të armëpushimit nga ana e regjimit, vazhdimi i bombardimeve dhe sulmet mbi zonat që ndodhen nën kontrollin e fraksionit revolucionar do të anulojnë marrëveshjen,” thuhet në një deklaratë të nënshkruar nga disa grupe që janë në konflikt me qeverinë e Damaskut.
Këshilli i Sigurimit të OKB-së votoi rezolutën e propozuar nga Rusia, e cila duhet të mbështesë armëpushimin e brishtë që ka për qëllim dhënien fund të luftës civile në Siri, e cila po zgjat për gati gjashtë vjet tashmë.
Sipas raporteve të agjencisë, Këshilli i Sigurimit ka debatuar gjatë për rezolutën. /tesheshi.com/
