Siç njofton Al Jazeera, luftëtarët sirianë kundër regjimit, së bashku me familjet e tyre, kanë nisur të lënë qytetin e Homsit; një evakuim i mundësuar nga një marrëveshje me qeverinë siriane.
Ata po largohen nga bastioni i tyre në këtë qytet, teksa autobusët e parë lanë lagjen el-Vaer mëngjesin e kësaj të shtune, me vendmbërritje zonat në verlindje të Halepit që janë nën kontrollin e kryengritësve.
Vetëm ditën e sotme do të largohen 1.500 persona, duke përfshirë 400 luftëtarë, ndërkohë që largimi i plotë i kryengritësve do të kërkojë gjashtë javë, sipas qeverisësit të Homsit.
Një proces që po mbikëqyret nga forcat siriane dhe ruse, të pranishme në terren. Kjo marrëveshje do të mundësojë evakuimin e rreth 15.000 njerëzve.
Qeveria siriane i sheh marrëveshje të tilla si një mundësi të mirë për t’i dhënë fund konfliktit gjashtëvjeçar. Përndryshe, për opozitën, kjo është një taktikë për zhvendosjen e njerëzve që e kundërshtojnë regjimin sirian. /tesheshi.com/
