Kryeministrja e Serbisë, Ana Brnabiç, tha se i ka bërë ftesë homologut maqedonas, Zoran Zaev për të vizituar Beogradin në nëntor të këtij viti.
“Vizitën do ta përdorim për të caktuar një mbledhje të përbashkët të Qeverive të shteteve tona”, tha Brnabiç, e cila ishte pjesë e takimit të mbajtur në Durrës me kryeministrat e vendeve të Ballkanit Perëndimor.
E pyetur nëse është biseduar me kryeministrin Zaev sa i përket çështjes së anëtarësimit të Kosovës në UNESCO, Brnabiç tha se është diskutuar mbi këtë temë dhe se qëndrimet janë në të njëjtën vijë. Ajo tha se miqësia me Serbinë është shumë e rëndësishme për Republikën e Maqedonisë. /tesheshi.com/
