Kryeministri Binali Yıldırım takoi presidentin shqiptar Bujar Nishani dhe delegacionin e tij në pallatin Çankaya në Ankara të mërkurën.
Gjatë takimit, kryeministri Yıldırım tha se Turqia i kushton një rëndësi të madhe marrëdhënieve bilaterale me Shqipërinë, marrëdhënie këto të cilat e kanë origjinën në historinë e tyre përbashkët. Në këtë kontekst Yıldırım u shpreh se do të vazhdojë të përmirësojë dialogun e ngushtë politik, si dhe do të ketë bashkëpunimin në fusha të tilla si ekonomia, tregtia, bujqësi, turizëm dhe transport.
Yıldırım gjithashtu pohoi se një tjetër fushë e rëndësishme e bashkëpunimit, ishte lufta kundër terrorizmit, duke theksuar se Turqia në të njëjtën kohë është duke luftuar kundër organizatave terroriste si PKK, Daesh dhe terroristët e kultit gulenistëve (FETO).
Kryeministri informoi presidentin Nishani për projektet e mëdha të infrastrukturës së Turqisë që kanë përfunduar ose janë ende në përfundim e sipër, si tuneli i Euroazisë, ura e Yavuz Sultan Selim, ura Osmangazi dhe aeroporti i tretë i Stambollit.
Presidenti shqiptar Bujar Nishani tregoi se Shqipëria ishte në solidaritet me Turqinë, pas përpjekjeve për një grusht-shtet me 15 korrik, duke konfirmuar se vendi i tij ishte i gatshëm të përmirësojë bashkëpunimin me Turqinë në të gjitha fushat, përfshirë luftën kundër terrorizmit dhe do të vazhdojë të bëjë përpjekje të përbashkëta në këtë kontekst./tesheshi.com/
