Kryeministri i Turqisë, Binali Jëlldërëm (Binali Yıldırım), në konferencën për shtyp që është duke mbajtur në këto çaste në Kryeministri, tha se situata është kthyer në normalitet dhe populli turk do të festojë sonte në të gjitha qytetet për rikthimin e demokracisë.
Kreu i qeverisë turke theksoi se frymëzuesi i grushtit të shtetit është Fetullah Gylen dhe qeveria do të bëjë ç’është e mundur për ta rikthyer nga SHBA dhe për ta akuzuar për “tentativë për rrëzim të rendit demokratik”.
Kryeministri turk tha se miqtë e mirë duhet të bëjnë të mundur që të dorëzojnë përgjegjësin e të këqijave, duke nënkuptuar me këtë SHBA ku Gylen qëndron prej vitesh.
Jëlldërëm tha se numri i dëshmorëve që dhanë jetën në tentativën e organizatës terroriste FETÖ ka shkruar në 161.
Shefi i qeverisë së Ankarasë deklaroi gjithashtu se në gjatë trazirave janë plagosur 1.440 qytetarë, ndërsa në operacionet për zbrapsjen e tentativës janë vendosur në pranga 2 mijë e 839 personel ushtarak i gradave të ndryshme.
Gjenerali Ümit Dündar në deklaratën që bëri në Stamboll pak minuta më parë, shprehu vendosmërinë për vazhdimin e operacioneve për pastrimin e ushtrisë nga elementët e organizatës terroriste FETÖ. /tesheshi.com/
