Kryeministri suedez, Stefan Lofven, i drejtoi një apel qytetarëve të vendit të tij që të ngrihen kundër kërcënimit në rritje të lëvizjeve neo-naziste dhe raciste, në mënyrë që të mbrojnë vlerat demokratike.
“Do të ishte e lehtë sikur vetëm t’i përqeshnim këta njerëz të zemëruar, të cilët përdorin fjalë të mëdha, por kanë zemra të vogla dhe grushta të mbledhur,” tha Lofven, raporton agjencia Bloomberg.
“Por, të gjitha lëvizjet fashiste janë të vogla kur krijohen, dhe shpejt mund të mbledhin përkrahës në kohë të vështira”, shtoi ai, duke përkujtuar tubimin e fundit të grupit Ku Klux Klan dhe demonstratat raciste në Charlottesville të SHBA-së”.
Partia Social Demokrate e Lofven do të garojë në zgjedhjet e vitit 2018 kundër partisë së ekstremit të djathtë, “Demokratët Suedezë anti-imigracion”, e cila i ka rrënjët në lëvizjen e supremacistëve të bardhë.
Partitë kryesore suedeze kanë refuzuar në vazhdimësi të bashkëpunojnë me Demokratët Suedezë anti-imigracion. /tesheshi.com/
