Ndërkohë që tensioni mes Rusisë dhe Ukrainës përshkallëzohet, shefi i qeverisë ruse, Dmitry Medvedev ka paralajmëruar sot se mund të shkohet gjer në ndërprerjen e marrëdhënieve diplomatike.
Medvedev tha se Moska mund të jetë e shtrënguar t’i ndërpresë marrëdhëniet diplomatike me Ukrainën nëse përkeqësohet kriza e lidhur me një incident të qëllimtë në Krime ku janë përfshirë sabotatorë ukrainas.
Vendimi nuk është marrë ende, ka sqaruar kryeministri rus, por ndërprerja e marrëdhënieve është një alternativë.
“Nuk do doja të përfundonte në këtë mënyrë, por nëse nuk ka rrugë tjetër për të ndikuar mbi situatën, presidenti mund ta marrë mbase një vendim të tillë,” ka qenë fjalët e Medvedev-it.
Vladimir Putin e akuzoi gjatë kësaj jave Ukrainën se po përpiqej të kryente sulme terroriste në Krime. Ukraina do t’i mohonte pretendimet ruse, ndërkohë që presidenti Petro Poroshenko do ta vinte dje ushtrinë në gatishmëri luftarake në kufirin me Krimenë, si dhe në lindje të vendit.
Marrëdhëniet midis Rusisë dhe Ukrainës nuk kanë qenë aspak të mira që prej aneksimit rus të Krimesë dy vite më parë. /tesheshi.com/
