Pas dorëheqjes së Matteo Renzit si kryeministër i Italisë, kandidati më i mundshëm për ta zëvëndësuar flitet të jetë ministri i Punëve të Jashtme, Paolo Gentiloni.
Kështu kanë shkruar sot mediat vendase, pas vendimit që mori Renzi nga humbja e pësuar në Referendumin e Reformës Kushtetuese.
Mediat shkruajnë se Gentiloni gjatë orëve të fudit ka zhvilluar disa takime private me ish-kreyministrin, ndërsa ai është parë edhe si hipoteza më e mundshme e zgjedhjes që do të bëjë Presidenti Mattarella, për krijimi i një qeverie të re, deri në përfundim të kësaj legjislature.
Sergio Mattarella, i cili pritet të deklarojë sa më shpejtë zgjidhjen e kësaj situate e ka shprehur hapur qëndrimin e tij kundër zgjedhjeve të menjëhershme “si të pakonceptueshme për të ardhmen e stabilitetin politik dhe ekonomik të vendit”.
Ndërkohë, gjatë ditës së sotme, e cila shënon edhe ditën e fundit të konsultimeve të Presidentit me grupimet politike do të zhvillohen disa takime me Partinë Demokratike, Forza Italia, Lëvizja 5 Yje, SEL e SI etj./tesheshi.com/
