Kryeministri i Kosovës, Isa Mustafa, ka përcjellë një mesazh me nota të forta patetike në vigjilje të 8-vjetorit të Pavarësisë së Kosovës. Sipas tij, edhe pse Kosova nuk është ajo që ëndërrohet të jetë, sërish ka arsye për të festuar. Mesazhi është qartazi dhe një kundëpërgjigje ndaj opozitës, e cila ka zgjedhur të protestojë në vend që të festojë.
“Askush, as vendimet arbritrare për t’ua kufizuar qytetarëve të drejtën për ta shijuar festën më domethënëse të historisë së Kosovës, nuk mund ta zbehë festën tonë të përbashkët, 17 shkurtin. Ju ftoj të demonstroni pjekurinë karakteristike kosovare dhe refuzimin estetik që na ka lënë trashëgimi Presidenti Historik, Doktor Ibrahim Rugova, ndaj tendencave eventuale për të përvetësuar festa e sheshe, për interesa të ngushta politike”, eshte shprehur ndër të tjera shefi i qeverisë kosovare. /tesheshi.com/
