Narendra Modi, kryeministri indian, ka vlerësuar politikanin e opozitës që bëri thirrje që Britania e Madhe të dëmshpërblejë Indinë për dëmet që i solli gjatë regjimit kolonial 200-vjecar gjatë një fjalimi të mbajtur në Universitetin e Oksfordit.
Klipi i videos së Shashi Tharoor, autor dhe parlamentar mjaft i njohur i partisë së qendrës së majtë, të Kongresit, ku ai bën një argumentim pasionant në favor të kompensimit financiar të Indisë për shekuj të shkatërrimit ekonomik dhe shfryëzimi u shndërrua në hit në median sociale pasi Oksfordi e postoi atë online javën e kaluar.
“Fjalimi i Tharoor reflekton ndjenjat e indianëve patriotw për këtë problem dhe tregon përshtypjen e madhe që mund të bëjnë argumentet efektive duke thënë gjërat e duhura në vendin e duhur”, tha kryeministri Modi në parlament në Nju Delhi.
Videoja 15-minutëshe e parlamentarit indian është parë më shumë se 1.5 milionë herë në YouTube dhe është raportuar gjerësisht në shtypin indian.
Ish-zëvendëssekretari i Përgjithshëm i OKB-së në argumentet e tij në Oksford thotë se India ka paguar për shtypjen e saj, pasi në fund të shekullit të 19, indianët ishin blerësit më të mëdhenj të prodhimeve britanike.
India fitoi pavarësinë nga Britania në vitin 1947 pas shumë vjetësh fushate të ashpër dhe përballjesh./tesheshi/
