Kryeministri Emil Dimitriev në emrin e tij personal dhe në emër të Qeverisë së Republikës Maqedonisë të gjithë besimtarëve mysliman u uroi nisjen e muajit të shenjtë të Ramazanit.
Sipas tij muaji i shenjtë i Ramazanit dhe nisja e agjërimit gjithmonë kanë qenë të njohura si ditë të mendimit të mirë dhe kohë kur duhet pasur mëshirë dhe mirëkuptim për njerëzit tjerë.
“Agjërimet e Ramazanit janë pastrim shpirtëror dhe ngritje e besimtarëve të besimit islam. Vlera e këtij agjërimi le të janë udhëheqëse në ditët që vijnë, le të sjellin shumë lumturi dhe gëzim në familjet e besimtarëve dhe gjithandej në Republikën e Maqedonisë”, thuhet ndërmjet tjerash në telegram urimin e Dimitriev./tesheshi.com/
