Kryeministri maqedonas refuzon opozitën shtyrjen e zgjedhjeve

Mensur Krasniqi

Koha e mbajtjes së zgjedhjeve të parakohëshme parlamentare në Maqedoni, tashmë një periudhë të gjatë është diskutabile. Në bazë të Marrëveshjes së Përzhinos, e nënshkruar nga katër liderët e partive politike më të mëdha në Maqedoni, zgjedhjet duhej të mbahen më 24 prill. Megjithatë opozita tani ka ndërruar mendje dhe kërkon shtyerjen e tyre duke vlerësuar se ende nuk janë plotësuar kushtet e parapara konform kësaj marrëveshje. Pra, sipas tyre nuk as nuk është rregulluar çështja e mediave dhe as nuk është bërë pastrimi i listave zgjedhore, gjë që krijon hapësirë për manipulime të reja të zgjedhjeve. Mirëpo kjo kërkesë e tyre nuk kalon aspak në veshin e shurdhër të kryeministrit të përkohshëm në Maqedoni, Emil Dimitriev.

Sipas tij: “data e zgjedhjeve tanimë është definuar me ligj dhe votuar nga të gjitha partitë politike në kuvend si pjesë e marrëveshjes së Përzhinos, dhe se nuk shoh asnjë arsye që ajo datë, përkatësisht ligj të shtyhet”, deklaroi kryeministri Emil Dimitriev duke shtuar që partitë duhet të mbahen në atë që veçmë e kanë dakorduar  dhe votuar në Kuvendin e Republikës së Maqedonisë.

Habit fakti që edhe kryetarja e deritanishme e Asamblesë Parlamentare të Këshillit të Evropës, An Braser nga Luksemburgu, në virgjile para skadimit të mandatit të saj i bëri thirrjetë gjithë partive politike në Maqedoni që të mos i bojkojojnë zgjedhjet e parakohëshme parlamentare.

“Nuk dëshiroj të përzihem në punët e brendshme të Maqedonisë, por dëshiroj t’u them të gjithë partive, se me bojkotimin e zgjedhjeve ose mospranimin e rezultateteve ose bojkotimin e parlamentit, nuk do të arrijmë të jetojmë në demokraci. Nevojitet të pranohet loja”, tha ajo. Braser konsideron se tre muaj janë të mjaftueshëm për përgatitje të zgjedhjeve. /tesheshi.com/