Justin Trudeau, kryeministri veç prej pak muajsh i Kanadasë, i njohur për qasjen tejet pozitive ndaj çështjes së refugjatëve, duke i hapur dyert e vendit të tij për ta, ka vijuar ta shprehë të njëjtin qëndrim edhe në forumin botëror të ekonomisë, në Davos.
Ndryshe zërave të shtuar kundër pranimit të refugjatëve, Trudeau e ka parë çështjen në një dritë pozitive, shpresëdhënëse, të përcjellë në fjalën e tij në Davos.
“I mirëprita refugjatët si kanadezë të rinj dhe si të ardhmen e ekonomisë kanadeze,” ka theksuar ai në fjalën e vet në këtë forum botëror.
“Njerëzit mund t’i përgjigjen një vizioni pozitiv, përfshirës, të shoqërisë. Rezultati është krijueshmëria që e pasuron Kanadanë dhe botën,” vë në dukje Justin Trudeau.
Kanadaja është prej vendeve të pakta që vullnetarisht e ngrohtësisht po pret mijëra refugjatë sirianë, duke i sistemuar dhe duke i integruar në jetën kanadeze. /tesheshi.com/
