“Italia është një mike e çmuar e Iranit. Islami është një fe e paqes dhe e dialogut. Afërsia e pikëpamjeve me krishtërimin mund të forcojë bashkëpunimin mes dy vendeve në të ardhmen”, – ka thënë presidenti iranian, Hassan Rohani, pas përfundimit të një takimi bilateral në Teheran me kryeministrin italian Matteo Renzi.
Nga ana e tij, vetë Renzi është shprehur se “është një gabim i madh të ngatërrohet besimi në Islam me terrorizmin”.
Rohani shprehu shpresën se Italia mund të kthehet sërish në partnerin e parë tregtar në Europë të Iranit, sikurse ishte më parë, në kohën e sanksioneve. “Kemi firmosur 36 memorandume dhe duam që ato të nisin të zbatohen”, – shtoi ndër të tjera Rohani. /tesheshi.com/
