Duhet të merret dhe si habi, e befasi njëherësh, reagimi i shefit të qeverisë së Kosovës, Isa Mustafa, lidhur me numrin e madh, dhe gati të pararashikueshëm të ish-ushtarëve të UÇK-së.
Kjo, pas evidencës së paraqitur nga komisionit qeveritar për njohjen dhe verifikimin e statusit të dëshmorit të kombit, invalidit dhe veteranit të UÇK-së.
Mustafa tha se numri ka tejkaluar parashikimet lidhur me qëndrueshmërinë buxhetore, por shtoi se pas rekomandimeve të FMN-së, mbetet që kjo çështje të rregullohet në të ardhmen.
Për një periudhë të gjatë, në Kosovë u krye procesi i regjistrimit të veteranëve të luftës, ku nuk munguan dhe akuzat për spekulime; për individë qe nuk kishin prekur pushkë me dorë, e që kishin arritur të vendosin emrin e tyre në listat e ish-luftëtarëve. /tesheshi.com/
