Hamza Yousaf, i cili dje u zgjodh kryeministër i ri i Skocisë, ndau një foto të tij duke falur namazin në shoqërinë e familjes së tij ditën e parë në Bute House, rezidenca zyrtare e kryeministrit, raporton Anadolia.
Yousaf, kryetar i Partisë Kombëtare Skoceze (SNP), u zgjodh nga parlamenti si kryeministër i ri, duke u bërë muslimani i parë që mban postin e kreut të qeverisë skoceze.
Yousaf ka postuar një mesazh në llogarinë e tij në Twitter së bashku me foton se po kryente namazin, pra faljen e muslimanëve.
“Unë dhe familja ime e kaluam natën e parë në Shtëpinë Bute pas votimit në parlament. Një moment i veçantë, duke udhëhequr familjen time në lutje në Bute House, siç është zakon pas një dite agjërimi”, ka shkruar kryeministri i ri skocez.
Yousaf, 37 vjeç, një musliman me origjinë pakistaneze, i lindur në Glasgow, fitoi shumicën në parlament me 71 vota për t’u bërë kryeministri i ri skocez.
Babai i Yousaf është një pakistanez i cili emigroi në Skoci në vitet 1960, ndërsa nëna e tij lindi në Kenia në një familje aziatike jugore. /tesheshi.com/
