Kreu i LDK-së Isa Mustafa dha të kuptuar se kryeministri i ri i Kosovës, ai që ka paralajmëruar presidenti Thaçi për këtë javë, e që do jetë sipas modelin amerikan, do mund të jetë nga qeveria e tij.
E pa thënë drejtpërdrejt nga ai por “mes rreshtash”, Mustafa tha se në një rast të tillë reprociteti do hiqen menjehërë (taksa graduale padyshim), siç e kërkojnë amerikanët.
“Sa i përket ambadadorit Richard Grenell, mund të them se i kemi premtuar, edhe këtu kur ka qenë në LDK, se ne do të pajtohemi që të hiqet tarifa dhe të hiqet pa kushte për një periudhë dhe po ashtu që ne presim që njëjtë të sillet edhe Serbia – që t’i heqë të gjitha pengesat karshi Kosovës, përfshirë edhe fushatën që po e bën kundër njohjeve të Kosovës.
Po ashtu kemi biseduar për faktin se nëse Serbia nuk i bjen në zero të gjitha pengesat e saj, atëherë ne do ta instalojmë reciprocitetin si bazë ligjore, sepse një çështje e tillë është përcaktuar edhe me ligje të Kosovës.
Për të qenë i qartë: jam i sigurt se në momentin që LDK-ja do ta drejtonte një qeveri, atëherë hapat e parë të kësaj qeverie do të ishin që reciprociteti të hiqej. Por, jo të hiqet për të mos u vendosur kurrë, por të hiqet si vullnet i mirë për të filluar dialogu. Nëse më vonë shihet që Serbia nuk po vepron njëjtë të kthehet një reciprcitet i plotë edhe ekonomik edhe politik”, tha Isa Mustafa në një konferencë për shtyp. Por ai mohoi se mund të jetë pikërisht ai kryeministri i ri.
“Sikur do të kisha vullnet do ta kandidoja veten edhe kur është kandiduar Avdullah Hoti në vitin 2017, edhe në vitin e kaluar kur është kandiduar Vjosa Osmani”, theksoi Mustafa.
Siç është bërë e qartë tashmë, pas rrëzimit të Kurtit me mocion mosbesimi, LDK është gati të bëjë koalicion me AAK-në dhe NISMA-n. /tesheshi.com/
