Një ditë pasi trupat irakiane shpallën rimarrjen e qytetit Ramadi, ku nuk ka më luftëtarë të ISIS-it, kryeministri Hajdar el-Abadi ka mbërritur me helikopter aty ku pak orë më parë zhvilloheshin luftime.
Ai do t’i uronte personalisht forcat e sigurisë, ndërsa ata ngritën dje flamurin e Irakut mbi kompleksin qeveritar në Ramadi, në kryeqytetin e provincës Anbari.
Çlirimi i Ramadit është fitorja e parë e rëndësishme e trupave irakiane në luftën kundër ISIS-it. Kreyministri do të shprehej dje i entuziazmuar nga suksesi i ushtrisë irakiane, duke deklaruar, “2016-ta do të jetë viti i fitores së madhe dhe përfundimtare.”
Ndërkohë, ministri i irakian i Mbrojtjes tha sot se 80 për qind e qytetit është e shkatërruar nga luftimet mes forcave irakiane dhe atyre të ISIS-it. /tesheshi.com/
