Viktor Orban, kryeministri i shumëpërfolur i Hungarisë, ka dhënë një intervistë për të përditshmen gjermane Bild, ku ka kritikuar qëndrimin e BE-së në mes të krizës së refugjatëve, e posaçërisht në marrëdhënien me Turqinë.
“Unë mendoj se BE-je është kthyer në lypëse karshi Turqisë,” ka theksuar Orban, duke shtuar se Bashkimi Europian i ofron para dhe lëshime Turqisë ngaqë nuk mund t’i ruajë kufijtë e saj.
“Bukseli po u bën turqve premtime që nuk mund t’i mbajë, apo që nuk dëshiron t’i mbajë.”
Kryeministri hungarez është shprehur në intervistë se premtimi i Europës për para dhe lëshime për Turqinë në shkëmbim të moslënies së refugjatëve që të nisen drejt Europës është një “iluzion”.
“Ne po i lutemi përunjësisht z. Erdogan për siguri në kufijtë tanë, në shkëmbim të parave dhe premtimeve, sepse nuk mund t’i mbrojmë vetë ato,” e ka ashpërsuar gjuhën Orban.
“Kjo po e bën sigurinë dhe të ardhmen e Europës të varet nga vullneti i Turqisë,” thuhet në intervistën e tij për Bild-in.
Hungaria është një prej vendeve që e kundërshtojnë politikën aktuale të BE-së për refugjatët, e po ashtu dhe planin për kuota shpërndarjeje. /tesheshi.com/
