Kryeministri i Francës, Manuel Valls, ka bërë me dije se do të kërkojë nga partia e qendrës së majtë që të kandidojë në zgjedhjet e ardhshme presidenciale.
Valls, 54 vjeç, tha se do të japë dorëheqje nga posti i kryeministrit më 6 dhjetor, për t’u fokusuar në garën për president.
Ai tha se do që të bashkojë socialistët e ndarë francezë. Valls do të përballet me kandidatë të tjerë socialistë në zgjedhjet e partisë, muajin e ardhshëm.
Kërkesa e tij vjen pasi presidenti aktual i Francës, Francois Hollande tha se nuk do të garojë sërish./tesheshi.com/
