Lars Lokke Rasmussen, kryeministri i Danimarkës, ka bërë të ditur se vendi i tij shumë shpejt mund të vendosë kontrollin e pasaportave në kufirin me Gjermaninë, si një masë për të ndalur valën e refugjatëve.
“Nuk duam të shohim përsëri refugjatë dhe emigrantë në rrugët tona. Ne duam të sigurojmë rendin dhe paqen,” kanë qenë fjalët e Rasmussen-it.
Në mesazhin e përcjellë me rastin e ndërrimit të viteve, kryeministri danez e ka bërë të qartë, “Kjo mund të krijojë një situatë në të cilën ne duhet të vëmë kontrollin kufitar me Gjermaninë, nëse vendosim se kjo është më e mira për Danimarkën.”
Diçka e ngjashme po zbatohet tani sa ka të bëjë me Suedinë, ndërsa ka kontrolle më të rrepta të identifikimit të udhëtarëve që hyjnë në vend me mjete të ndryshme udhëtimi.
Masat e mësipërme janë në kuadrin e përpjekjeve që po bëjnë një numër shtetesh europiane për t’i mbyllur rrugën vërshimit të pakontrolluar të refugjatëve përgjithësisht nga rajonet ku ka konflikte. /tesheshi.com/
