Gruaja në krye të LSI-së, Monika Kryemadhi, ka vijuar me deklarimet e saj kontraverse në lidhje me situatën pandemike, ku pos nuk e beson, duke e konsideruar diçka të sajuar, ia faturon atë vetë të parit të qeverisë. “Pandemia e COVID-i që instaloi Rama ka shkatërruar ekonominë”, tha njëherësh bashkëshortja e kreut të shtetit, kjo pas një takimi të partive opozitare në selinë blu.
“Diskutuam përgatitjen e një platforme për zgjidhjen e kësaj situate për t’i dhënë hapësira rifuqizimit të ekonomisë, pasi biznesi është në ditët më të vështira“, tha znj. Kryemadhi, duke lëshuar dhe alarmin e një urie mes shqiptarësh. “Shumë shpejt shqiptarët nuk do të kenë ushqim për bukën e gojës për fëmijët e tyre”, tha ajo.
Nga ana tjetër, nga PD u tha se fokusi i opozitës është fati i biznesit në këtë krizë, e kjo referuar asaj çfarë ka deklaruar kryetari Basha.
“Qeveria i ka braktisur. Nuk i dëgjon, nuk i pret, nuk do t’ia dijë për shqetësimet dhe problemet e tyre. Është detyra jonë jo vetëm të jemi zëri i tyre, por të ridimensionojmë planin tonë për shpëtimin e ekonomisë, për ruajtjen e vendeve të punës, duke marrë parasysh pasojat që ka krijuar kriza”. /tesheshi.com/
