Një viroze për të publikuar gjithçka në rrjete sociale prej krerëve të politikës shqiptare, i është bashkangjitur dhe Meta në kushte presidence, duke ofruar së fundi foton e radhës nga jeta familjare.
Risi është rishfaqja e zonjës Kryemadhi në publik, bashkëshortes së tij, e cila prej javësh cilësohej “e zhdukur”, pasi i ka munguar ndjeshëm skenës politike me ligjërimin e saj burrëror sa i përket valencës së lartë luftarake.
Madje madje, përflitej për një përkeqësim të mundshëm të gjendjes së saj shëndetësore. Por siç shihet, ngjan shend e verë.
Familja Meta-Kryemadhi është shfaqur në lartësitë e Sharrit në Prevallë të Kosovës, ku ç’prej atyre anëve, kreu u shtetit ka përshëndetur gjindjen: “Mirëmëngjes nga Prevalla! Ju uroj një të diel të bukur me familjet tuaja”, shkruan Meta. /tesheshi.com/
