Kryetarja e LSI-së, Monika Kryemadhi, ka reaguar pas deklaratave të bëra nga kryeministri Edi Rama mbi reformën që pritet të përfshijë administratën publike.
Kryemadhi i kërkon Ramës që reformimi të nisë nga Kryeministria, ku figurojnë të punësuar 600 persona, ose 5 herë më shumë se në kohën kur kryeministër ishte Sali Berisha.
“Rama duhet të shkurtojë në Kryeministri njëherë. Nga 118 veta që kanë qenë në kohën e doktorit, ky e ka me 600 punonjës tani. Ka nja 480 vajza të reja, por se çfarë bëjnë një Zot e di dhe që fillojnë me rroga. Nëse ka një agjenci që duhet shkurtuar është Kryeministria”, tha ajo.
Kryemadhi ka vënë në dukje gjithashtu një aspekt, atë të “shkurtimit” të disa figurave të rëndësishme në PS, të cilët janë ndryshuar nga deputetë të kthyer në ministra, por të panjohur për shqiptarët.
“A i përdori, Sajmir Tahirin, Mimi Kodhelin, Taulant Ballën, ku janë sot?! Ka një lloj sistemimi apo një lloj kohezioni në lidhje me punën, ka një meritokraci, s´mund të vish nga rruga dhe të bëhesh ministër. Kjo është një mënyrë që do të përdori për të larguar njerëzit e vet nga administrata”, tha Kryemadhi. /tesheshi.com/
