Edhe pse LSI jep çdo ditë alarmin për ikjen e shqiptarëve, këtë shqetësim nuk e ka për ikjen e këshilltarëve të saj, shfaqur si fenomen endemik së fundi në shumë prej këshillave bashkiakë.
E pyetur për këtë, gruaja në krye të kësaj force, Monika Kryemadhi tha se ata janë të lirë të ikin, porsi Rama për shqiptarët.
“Anëtarët e LSI-së janë të lirë për të qenë kudo që janë, po di të them që realitetin ku ne jetojmë nuk e ndryshojnë as këshilltarët dhe as deputetët. E rëndësishme është që të ndryshojmë e t’u japim shqiptarëve më shumë punë, më shumë mirëqenie dhe më shumë begati”, tha znj. Kryemadhi gjatë urimit për Sulltan Novruz. /tesheshi.com/
