Për herë të parë që kur morri frenat e LSI-së, e njeriu me të cilin ndan shtratin u bë president, Monika Kryemadhi ka përfshirë në komentet e saj të politikës së ditës, pikërisht bashkëshortin në krye të shtetit.
“Unë shpresoj që zoti Meta ka shansin për të shlyer gabimin që u solli shqiptarëve Edi Ramën në krye, besoj që duhet të gjejë forca brenda vetes së tij ta rikthejë mbrapsht atë pr/ligj. Shpresoj të distancohet por megjithatë kjo është në zgjidhje e atij dhe mund t’i bëni pyetje vetë zotit Meta”, tha znj. Kryemadhi.
Ndërkohë, vetë z. Meta është president me votat e socialistëve diktuar nga Edi Rama.
Pas prishjes së aleancës, apo siç mund të thuhet ndryshe, nxjerrjes së LSI-së nga tepsia, kjo e fundit është pozicionuar ashpërsisht kundër PS-së, a më saktë Ramës, duke i bërë opozitë për çdo gjë. Por zgjedhjen e tij për ta bërë Metën president, nuk e ka komentuar. /tesheshi.com/
