Gruaja në krye të LSI-së, Monika Kryemadhi, ofroi një propozim “sheriatik” gjatë fjalimit të saj në një konventë partiake.
“Shqiptarët tashmë nuk i gënjen dot as Rama, as unë dhe as bashkudhëtari im i opozitës. Kanë krijuar alergji për politikën, e kjo vjen se rezultat i mosbesimit që njerëzit e thjeshtë kanë akumuluar. Ne mund të fitojmë buzëqeshjen e shqiptarëve vetëm duke nënshkruar një kontratë të sinqertë dhe të ndershme me ta. Ne duhet të ngremë një sistem që do të presë çdo dorë që kërkon të vjedhë. Tashmë duhet me ligje, me nene, e zeza mbi të bardhë sepse shqiptarët janë lodhur me premtime”, tha znj. Kryemadhi.
Vetë ajo, edhe pa asnjë detyrë shtetërore apo pozicion qeveritar në vite, është ndër më të përfolurat si çift abuzes me pushtetin, duke u gjykuar si bashkëshorte e Ilir Metës, sot president.
Kjo përshtypje u përforcua në opinion vitet e fundit,ku LSI, si në aleancë me PD-në e si me PS-në, u shfaq me tipare të theksuara klienteliste, duke shfrytëzuar porcione të mëdha pushteti për punësime e përfitime prej tyre në bazë kuotash individuale për “arkën e partisë”. /tesheshi.com/
