Partia Demokratike dhe LSI, dy partitë në opozitë, duket se janë marrë vesh, në negociatat e zhvilluara për ndarjen e 3 komisioneve parlamentare që i takojnë.
Negociatat janë zhvilluar mes kreut të grupit parlamentar demokrat Edmond Spaho dhe kryetares së LSI-së, Monika Kryemadhi.
Nuk dihet pse LSI ka zgjedhur të negociojë në nivel kryetari, kur fare mirë mund të zgjidhte Petrit Vasilin, që kryeson grupin parlamentar të kësaj partie.
Gjithsesi në përfundim të negociatave, është rënë dakor që LSI të marrë drejtimin e komisionit të Shëndetësisë, që do të kryesohet nga Petrit Vasili.
Ndërsa demokratët do të drejtojnë komisionet e Integrimit dhe Mediave, përkatësisht me deputetët Genc Pollo dhe Albana Vokshi. /tesheshi.com/
