Kryeparlamentari i Kosovës, Kadri Veseli, i ka kërkuar presidentes Jahjaga që t’i ftojë palët për të gjetur një zgjidhje për krizën politike.
Kjo kërkesë ngjan paksa e çuditshme, pasi Jahjaga e ka bërë të sajën dy muaj më parë kur nisi të ftonte palët politike në tryezë, por që nuk pati asnjë efekt.
Madje dhe ndërmjetësimi i përfolur i homologut të tij Ilir Meta, në kohë nuk ka dha kurrfarë rezultati. Siç po shihet, kriza është po ajo, e që vijon të thellohet akoma dhe më tepër.
Por ndoshta duke ndjerë se e vetmja zgjdhje e kësaj situate do jen zgjedhjet parakohshme, Veseli është shprehur në mesazhin drejtuar kreut të shtetit koosvar, se “kërcënimi me zgjedhje nuk është opsion”, sepse sipas tij, “do të krijohej një precedent”.
“Është e domosdoshme që të gjendet një zgjidhje politike për të kaluar këto sfida dhe për ta orientuar vendin drejt zhvillimit ekonomik. Është obligim kushtetues, por edhe moral para qytetarëve, që të kalohet kjo situatë. Po dëmtohemi si brenda ashtu edhe jashtë. Derisa ne po e vazhdojmë konfliktin e brendshëm ne arenën ndërkombëtare po dëmtohemi. Presidentja e vendit duhet t’i thërras palët në një tryezë të dialogut. Ky është obligim kushtetues i saj dhe palët duhet të përgjigjen”, ka deklaruar Veseli në këtë lloj “përgjërimi politik” drejtuar presidentes Jahjaga, që dhe vetë ai e ka të qartë që nuk mund të bëjë asgjë, edhe për faktin e autoritetit të saj të dobët tek palët, pavarësisht pozicionit kushtetues. /tesheshi.com/
