Kryekuvendari, Kadri Veseli ka komentuar largimin e Britanisë së Madhe nga familja e Bashkimit Evropian.
Ai nëpërmjet një statusi në Facebook, ka shkruar se Britania dhe Republika e Kosovës do të jenë të pandashme.
“Përkundër këtij zhvillimi, ne besojmë se ka diçka që i bën të pandashëm Bashkimin Europian, Britaninë e Madhe dhe Kosovën: demokracia liberale, të drejtat dhe liritë e njeriut, vlerat e shoqërisë së hapur dhe ekonomia e tregut të lirë, mes shumë vlerave të tjera. Pavarësisht rezultatit të referendumit britanik, dy gjëra mbesin të pandryshueshme për Republikën e Kosovës: bashkëpunimi i shkëlqyeshëm me Britaninë e Madhe dhe rruga e integrimit të vendit tonë në Bashkimin Europian”, ka shkruar Veseli. /tesheshi.com/
