Kryekuvendari, Kadri Veseli, ka bërë vizitë lamtumirëse te presidentja në shkuarje, Atifete Jahjaga.
Veseli, e ka cilësuar Jahjagën si shembull frymëzimi për shumë gra e burra që punojnë pa u lodhur për vendin.
Ai thotë se presidentja e cila lë mandatin me 7 Prill, për tu pasuar nga Hashim Thaçi, la pas vetes një trashëgimi të çmuar politike gjatë kohës sa ishte në krye të vendit.
“Sot isha në takim lamtumirës te presidentja Jahjaga.
Duke e kthyer drejtimin e Presidencës në shembull frymëzimi për mijëra gra e burra që e duan dhe punojnë pa u lodhur për vendin e tyre, duke prezantuar me dinjitet Kosovën gjithandej botës me mirësinë dhe pozitivitetin e saj.
Presidentja Jahjaga na lë një trashëgimi shumë të çmuar politike, në rrugën e jetësimit të ëndrrës tonë evropiane.
Të faleminderit Presidente!”, ka shkruar Veseli në Facebook.
