Qeveria e Kosovës, në mbështetje të Ambasadës Amerikane dhe asaj Gjermane në Kosovë, kanë konstituuar sot themelimin e Fondit të Kosovës për Garanci Kreditore (FKGK).
Ceremonia inauguruese shënon themelimin e një institucioni të pavarur lokal dhe të qëndrueshëm, i cili pritet të lëshojë garanci kreditore për institucionet financiare, duke rritur kështu qasje në financa për ndërmarrjet mikro, të vogla dhe të mesme në Kosovë.
Me këtë rast, kryekuvendari Kadri Veseli tha se koalicioni në pushtet duhet t’i qëndrojë prapa premtimeve për punësimin, ndërsa potencoi se ky fond është garant për këto premtime.
“Me këtë fond do të mundësohet krijimi i 120 mijë vendeve të punës dhe themelimin e rreth 10 mijë bizneseve të reja”, theksoi Veseli.
Ndryshe, gjatë fushatës zgjedhore ish kreu i PDK-së premtoi 200 mijë vende pune , derisa kryeministri aktual Isa Mustafa 120 mijë vende pune, premtime këto të pambajtura. /tesheshi.com/
