Krerët e katër komunave të veriut të Kosovës kanë kërcënuar me bllokimin e pikave kufitare në Jarinje dhe Brnjak nëse Prishtina nuk tërheq vendimin për ndalimin e kalimit me karta identiteti të Serbisë për shtetasit kosovarë të pakicës serbe.
Siç bën të ditur agjencia Tanjug, krerët e komunave të Mitrovicës së veriut, Zubin Potokut, Leposaviqit dhe Zveçanit, lëshuan një deklaratë për mediat, ku theksohet se“serbët në Kosovë dhe Metohi (KiM) nuk do të lejojnë veten e tyre të jetojnë në geto, dhe do të bllokojnë pikat e Jarinjes dhe Brnjak nëse nuk do të lejojnë përdorimin e kartave të identitetit të Republikës së Serbisë”.
Ata i bënë thirrje Prishtinës “që të mos flasë me gjuhën e urrejtjes me serbët e Kosovës së veriut, por të përpiet t’i zgjidhjë çështjet me dialog”.
Kryeministri serb, Aleksandër Vuçiq deklaroi se Beogradi po punon ta zgjidhë këtë çështje në negociatat e së hënës që do të zhvillohen në Bruksel. /tesheshi.com/
