Komandanti i trupave të NATO-s në Europë, gjenerali Ben Hodges ka deklaruar sot nga Beogradi se qendra ruso-serbe nuk është humanitare, por një fazadë e fshehur.
Gjenerali Hodges, i cili është intervistuar gjatë “Javës së NATO-s” në kryeqytetin serb që mbahet të enjten, deklaroi se “titulli humanitar i qendrës së Nishit është vetëm një fasadë”.
Gazetarët e kanë pyetur se a e shikoni si problem afërsinë që ajo qendër ka me bazën amerikane Bondsteel, në Kosovë, kurse Hodges deklaroi:
“Unë nuk besoj se është një qendër humanitare. Ajo është fasada që fsheh një realitet tjetër. Ata duhet të jenë më transparent dhe unë do të doja një ftesë që të shojmë atje e ta vizitojmë”, tha kryekomandanti i NATO-s në Europë, i cili bëri të ditur se KFOR do të qëndrojë gjatë në Kosovë.
“Nuk kemi plan të largohemi, për të paktën 5 vjet unë kam bërë planet që të furnizoj me ushtarë kontigjentet tona në Kosovë”, tha gjenerali Hodges. /tesheshi.com/
