Gjenerali Petr Pavel, kryetari i Komitetit Ushtarak të NATO-s, që është organi vendimarrës për operacionet militare, ka deklaruar në Beograd se Serbia po bën hapa të sigurtë që po çojnë drejt integrimit të saj në strukturat e Aleancës Veri Atlantike.
Një zhvillim shumë i bujshëm duke pasur parasysh lidhjen e fortë të Beogradit me Moskën.
Siç bën të ditur B92, e cila ka intervistuar gjeneralin çek që drejton organizmin që bashkon komandantët më të lartë, Pavel tha se “operacioni i bashkëpunimit të Serbisë me BE-në dhe NATO-n po ecën hap pas hapi”.
“Jam shumë i kënaqur nga takimi me ministrin serb të Mbrojtjes, Aleksandër Vulin. Bashkëpunimi i Serbisë drejt NATO-s është një plan për të ardhmen”
I pyetur nga B 92 mbi atë që Serbia nuk ka pasur asnjë lidhje me NATO-n pasi është vend i bombarduar nga kjo oganizatë, gjenerali Pavel tha: “I kuptoj ndjesitë kundrejt NATO-s, megjithatë jeta vazhdon, armiqtë bëhen miq pas konfliktit. Ne nuk i frikësohemi influencës ruse në Serbi, por shqetësohemi nëse kjo influencë kalon kufinjtë dhe bëhet e rrezikshme”. /tesheshi.com/
