Ish-kryebashkiaku i Nju Jorkut, Rudy Giuliani, është shprehur ditën e enjte se do të tërheqë pretendimet e tij për një post në administratën e Donald Trump-it. Ai ishte kandidat pretendent për postin e sekretarit të Shtetit.
Vetë stafi i Trump-it ka bërë me dije se Giuliani kishte lajmëruar tërheqjen e tij përmes një letre më 29 nëntor, por Trump-i kishte refuzuar ta pranonte këtë vendim të ish-kryebashkiakut.
“Para se t’i bashkohesha fushatës isha shumë i përfshirë me sipërmarrjen private në fushën e drejtësisë dhe do të vazhdoj ta bëj këtë punë me entuziazëm. Megjithatë shpresoj shumë që ta ndihmoj Trump-in në çdo mënyrë që t’i nevojitet në lidhje me sektorin privat,” është shprehur Giuliani.
Gjatë ditëve të fundit, Trump e ka zgjeruar kërkimet e tij për kandidatin që do të mund të mbajë postin e sekretarit të Shtetit tek krerët e disa korporatave, siç janë Rex Tilerson, i cili është shefi ekzekutiv i Exxon Mobil Corp-it, si dhe Alan Mulally, shefi i Ford Motor Co dhe Boeing Co./tesheshi.com/
