Boris Johnson, kryebashkiaku i Londrës, bëhet politikani më spikatës konservator që i kundërvihet kryeministrit David Cameron në debatin mbi qëndrimin në BE.
Johnson ka deklaruar se do t’i bashkohet fushatës kundër qëndrimit të Britanisë në BE, në kundërshtim me qëndrimin zyrtar të Cameron-it. Vendimi i tij është një goditje për shpresat e kryeministrit britanik për një front të bashkuar në fushatën që i paraprin referendumit të 23 qershorit.
“Gjëja e fundit që doja ishte të dilja të kundër David Cameron-it apo qeverisë, por pas një ankthi të madh, nuk mendoj se ka diçka tjetër që mund të bëj,” u tha Johnson gazetarëve.
“Do të mbroj votën e ‘largimit’, sepse dëshiroj një marrëveshje më të mirë për popullin e këtij vendi, për t’u shpëtuar paratë dhe për të rimarrë kontrollin,” ka shtuar ai.
Referendumi dhe fushata për të i ka ndarë konservatorët në qeverinë e Cameron-it, me shumicën e tyre që e mbështesin atë, e me një numër të vogël që janë kundër qëndrimit të tij.
Vendimi i Boris Johnson-it nuk ka qenë krejt i papritur, pasi ai prej vitesh ka qenë një kritik i vazhdueshëm i burokracisë së BE-së. /tesheshi.com/
