Kanë qenë të punësuar të partisë së çamëve ata të cilët kanë shkaktuar sherrin mëngjesin e kësaj të mërkure në Bashkinë e Dibrës. Kreu i saj, Muharrem Rama, në një prononcim për News 24, ka folur për 30 persona të cilët kanë dhunuar ambientet e institucionit, duke goditur madje fizikisht dhe trë nëpunës.
Ka akuza se drejtori i burimeve njerëzore ka dashur të largojë nga puna disa persona?
Jnuk është e vërtetë, kemi bërë vetëm një transferim nga drejtori i burimeve njerëzore tek një tjetër drejtori.
Rreth orës 9 kanë ardhur rreth 30 veta, përfaqësues të PDIU kryesisht të punësuar nga PDIU me një performancë shumë të dobët në punë dhe ne si bashki duhet të ngremë performancën. Janë dhunuar zyrat e bashkisë nga përfaqësues të PDIU-së.
Çdo të thotë janë dhunuar, ka pasur të lënduar?
Janë 4 të lënduar me mjete të forta.
Ju ku ndodheni tani?
Unë jam tek spitali i Peshkopisë pranë të lënduarve. Kanë disa plagë në kokë që janë dëmtuar me mjete të forta, shkopa bejsbolli e shufra hekuri.
Si do veproni tani zoti Rama?
Ne do ndjekim vetëm anën ligjore. Policia e Dibrës ka qenë në gatishmëri dhe po kryen veprimet hetimore.
Dibra nuk ka patur kurrë komunitet çam, por vitet e fundit aty u sajua një i tillë me krijimin e një klientele partiake nga PDIU. Prej kohësh, ata janë në konflikt me kreun e Bashkisë Muharrem Rama, pasi e mbajnë nën presion për punësime.
Fitorja e Ramës në zgjedhjet e pjesshme lokale, pati si suport të fortë pikërisht PDIU-në, ku Shpëtim Idrizi iu afrua Ramës për t’i bërë sfidë elektorale LSI-së. /tesheshi.com/
