Ish-kancelari austriak Sebastian Kurz tha se janë dakord për një koalicion të ri qeveritar mes konservatorëve të tij dhe liderëve të ekstremit të djathtë (FPO).
Sipas tij, ky mund të jetë një opsion “i duhur” pas zgjedhjeve të parakohshme që janë vendosur të mbahen në shtator.
Partia e Kurzit – OVP (Österreichische Volkspartei; shqip, Partia e Popullit Austriak) iku nga pushteti pasi kreu i partisë FPO që ishte në koalicion, Heinz-Christian Strache u kap në një video ku kërkonte të bënte marrëveshje korruptive.
Kurz u përpoq të qëndronte si drejtues i një qeverie minoritare, por parlamenti e shkarkoi atë dhe kabinetin e tij, duke thënë se ai duhet të bartte përgjegjësi për skandalin. Partia e Kurz po udhëheq në sondazhet aktuale, pavarësisht të kaluarës jo të këndshme.
Që nga shkarkimi i Kurz, Austria udhëhiqet nga një qeveri e përkohshme e shërbyesve civile deri në zgjedhjet parlamentare të planifikuar për 29 shtator. /tesheshi.com/
