Kroçera luksoze “MSC Poesia” ka ndaluar sot në bregdetin e Sarandës, i cili në tre vitet e fundit është kthyer në një nga destinacionet më të vizitueshëm nga turistët që zgjedhin udhëtimin me anije.
Por ajo që ka ndodhur me këtë kroçerë ka shokuar shumë nga pushuesit, të cilët kanë arritur të filmojnë sesi ujrat e zeza dhe mbeturinat janë derdhur prej saj në det, jo shumë larg bregut.
Video qarkullon në rrjet dhe shoqërohet me komente të shumta të qytetarëve, që kërkojnë ndërhyrjen e autoriteteve për t´i dhënë fund veprimeve të tilla në bregdetin shqiptar.
“Po u dërgoj një video që tregon se si kroçera MSC POESIA derdh mbetjet e saj të neveritshme në breg të Sarandës, pak para se të largohej. Pamja është akoma dhe më e shëmtuar nga sa duket në video. A duhet të mbajë dikush përgjegjësi për këtë?”, shkruan një qytetar, i cili duket se ka filmuar edhe skenën aspak të pranueshme. /tesheshi.com/
