Ish-ylli i futbollit kroat të mesit të viteve ’90, Davor Shuker, është zgjedhur në krye të Federatës së këtij vendi. Kulmin e tij në karrierë e pati me shënimin e 6 golave në Botërorin “Francë ‘98”, ku më pas arriti të bëhet dhe një ndër lojtarët bazë të Realit të Madridit.
Elegant, i shpejtë, i zhdërvjellët në kontrollin e topit, me elementë baleti në stilin e lojës, Davor Shuker mbetet emblema e futbollit kroat.
Rasti i tij është i dyti në Ballkan, kur një ish-lojtar me famë mer frenat e drejtimit të futbollit të vendit të tij, ku bën pjesë dhe Kosova me Fadil Vokrrin.
Ndërsa në Shqipëri, futbolli drejtohet nga një njeri që u njoh për publikun vetëm kur mori drejtimin e FSHF-së. Armando Duka, deri në çastin që u bë President i Federatës Shqiptare të Futbollit, ishte një emër krej i padëgjuar për lidhje me futbollin. /tesheshi.com/
