“Open Balkan” ishte temë kryesore e një konference mes presidentes kosovare dhe homologut të saj kroat, pas një vizite të këtij të fundit në Prishtinë.
“Nëse kjo iniciativë nuk e përfshin Kosovën, atëherë është e pakuptimtë”, tha Zoran Milanoviç.
Ai dhe presidentja Osmani kritikuan këtë nismë, ku kjo e dyta tha se “Serbia ka një rol kyç, por në të njëjtën kohë nuk e njeh pavarësinë e Kosovës”.
“Nuk mund të presim që Vuçiqi të ketë qëllime të mira ndaj Kosovës dhe rajonit”, tha Osmani, duke shtuar se Serbia është militarizuar vitet e fundit dhe ka destabilizuar vendet fqinje. .
Milanoviq theksoi se iniciativa e përmendur, nëse është “dashamirëse”, duhet të përfshijë të gjitha vendet e rajonit.
I pyetur nga gazetarët nëse Kroacia do ta kushtëzonte anëtarësimin e Serbisë në BE me njohjen e Kosovës, Milanovic tha se pyetja ishte hipotetike sepse “interesi real” i Serbisë për t’u bërë anëtare ishte “vetëm hipotetik”.
Milanoviç, nga ana tjetër, ka theksuar se Kosova është një “shtet mik” me të cilin Kroacia “ka shumë të përbashkëta me përvoja të hidhura”.
Ai gjithashtu deklaroi se “thellësia mahnitëse e injorancës dhe mosnjohjes së situatës në Kosovë, është në nivelet më të larta të qeverisjes në Evropën Perëndimore”.
“Ata (shtetarët e Evropës Perëndimore) kanë ndonjë punë tjetër, kështu që njerëzit e kategorisë së dytë dhe të tretë po merren me këtë fushë,” tha Milanoviç. /tesheshi.com/
